https://www.youtube.com/watch?v=VJr5Gzaa2ig
tabat Mater dolorosa
iuxta crucem lacrimosa
dum pendebat Filius.
Cuius animam gementem
contristatam et dolentem
pertransivit gladius.
O quam tristis et afflicta
fuit illa benedicta
Mater unigeniti.
Quae moerebat et dolebat
pia Mater, cum videbat
Nati poenas inclyti.
Quis est homo, qui non fleret
Christi Matrem si videret
in tanto supplicio?
Quis non posset contristari
Piam Matrem contemplari
dolentem cum Filio?
Pro peccatis suae gentis
vidit Iesum in tormentis
et flagellis subditum.
Vidit suum dulcem Natum
morientem, desolatum
dum emissit spiritum.
Eia Mater, fons amoris
me sentire vim doloris
fac, ut tecum lugeam.
Fac, ut ardeat cor meum
in amando Christum Deum
ut sibi complaceam.
Sancta Mater, istud agas
Crucifixi fige plagas
cordi meo valide.
Tui Nati vulnerati
tam dignati pro me pati
poenas mecum divide.
Fac me vere tecum flere
Crucifixum condolere
donec ego vixero.
Iuxta crucem tecum stare
te libenter sociare
in planctu desidero.
Virgo virginum praeclara
mihi iam non sis amara
fac me tecum plangere.
Fac, ut portem Christi mortem
passionis fac consortem
et plagas recolere.
Fac me plagis vulnerati
Cruce hac inebriari
ob amorem Filii.
Inflammantus et accensus
per te, Virgo, sim defensus
in die iudicii.
Fac me Cruce custodiri
morte Christi praemuniri
confoveri gratia.
Quando corpus morietur
fac, ut animae donetur
Paradisi gloria. Amen.
No comments:
Post a Comment